За вывешаныя ў 2022 годзе сцягі – бела-чырвона-белы і сцяг Украіны – Кацярыну Зарэцкую прысудзілі да 5 гадоў калоніі. Дэпартаваная спачатку ва Ўкраіну, а потым у Польшчу, Каця сутыкнулася з наступствамі цяжкай працы ў калоніі – грыжамі і пратрузіяй пазваночніка. Ёй патрэбная дапамога на курс рэабілітацыі, каб захаваць здароўе і магчымасць працаваць.
Старшыня Беларускай партыі «Зялёныя» быў асуджаны да шасці гадоў калоніі. Яго прымусова вывезлі ў Літву, але праз доўгае афармленне дакументаў Зміцер апынуўся без сродкаў. Ён просіць дапамагчы аплаціць яму арэнду жылля і выдаткі на ежу.
Уладзіслаў тры месяцы працаваў на будоўлі, каб назбіраць на навучанне, але працадаўца так і не заплаціў. Цяпер новая сям’я палітэмігрантаў ужо ў Варшаве і можа страціць месцы ў праграме Каліноўскага.
Цяжкая траўма нагі і шэраг няўдалых аперацый выбілі Святлану з нармальнага жыцця. Ёй патрэбная падтрымка на рэабілітацыю, каб зноў нармальна хадзіць.
Былы палітзняволены з непаўнагадовым сынам уцёк з Беларусі ў Чэхію, дзе яны падаліся на міжнародную абарону. Пакуль ішла працэдура і афармленне дакументаў, Андрэй не мог легальна зарабляць на жыццё і апынуўся ў фінансавай яме. Ён просіць падтрымаць яго з сынам, каб пратрымацца на плаву некалькі месяцаў.
Ігара* прыцягнулі да крымінальнай адказнасці за перадачу інфармацыі пра перамяшчэнне ваеннай тэхнікі праекту «Беларускі Гаюн». Пасля вызвалення з-пад варты ён пакінуў Беларусь і просіць дапамагчы яму з перанавучаннем.
Экс-палітзняволены пасля турмы вымушана эміграваў у Польшчу, але праз праблемы са здароўем востра мае патрэбу ў падтрымцы на час аднаўлення і працаўладкавання.
Беларуска з сынам апынулася ў эміграцыі, каб не патрапіць у турму. Цяпер яна жыве ў Польшчы. З малым дзіцём на руках яна доўга не магла ўладкавацца на працу. Цяпер сын падрос, жанчына можа ісці на працу, але да першых заробкаў ёй патрэбная падтрымка, каб аплаціць жыллё і дзіцячы садок.
Сёння мы адкрываем няпросты і цалкам ананімны збор. Некалькі тыдняў таму трагічна загінуў сын беларускай актывісткі. Яго смерць была раптоўнай. Цяпер сям’і даводзіцца адначасова перажываць гэтую страту і вырашаць цяжкія пытанні, звязаныя з пахаваннем.