Ксенія працягвала сваю працу, нават калі яе выданне прызналі экстрэмісцкім. Яна хоча рабіць гэта і далей, але ноўтбук прыйшлося пакінуць у Беларусі, а на новы грошай няма.
Прыватныя зборы
«У 17 гадоў я выказаў свой пратэст супраць гвалту, не падазраючы, што гэта прывядзе да катаванняў, затрыманняў і паўгады ў СІЗА. Цяпер мне патрэбная дапамога ў эміграцыі».
Уладзімір Казлоў быў незалежным назіральнікам на выбарах 2020 года, у 2023-м пачаліся выклікі ў КДБ і ГУБАЗіК, штрафы і арышты. Пасля выплаты «штрафаў» за ахвяраванні, сілавікі зноў вярнуліся з пагрозамі крымінальнага пераследу. У спешцы сям'я пакінула Беларусь і цяпер знаходзіцца ў Польшчы. Муж і жонка звяртаюцца па дапамогу, каб перажыць набліжэйшыя месяцы.
Андрэй Прыстаўка – актывіст і палітычны эмігрант з Берасця. Агулам беларус правёў у зняволенні 75 сутак і заплаціў тысячы даляраў штрафаў за сваю грамадзянскую пазіцыю. Цяпер ён у Польшчы, чакае рашэння па міжнароднай абароне, але пакуль не можа працаваць і мае патрэбу ў дапамозе.
У Варшаве пройдзе святкаванне Дня Волі. Арганізатары збіраюць сродкі для правядзення шэсця, канцэртаў і прамоў. Ахвяраванні дапамогуць зрабіць падзею маштабнай і незабыўнай. Далучайцеся!
Дар'я, ратуючыся ад рэпрэсій у Беларусі, пераехала ў Польшчу, дзе сутыкнулася з шэрагам выпрабаванняў: праблемы са здароўем сына, развод, фінансавыя цяжкасці, хваробы гадаванцаў. Яна просіць дапамагчы з абавязковымі плацяжамі і аплатай экзамену, каб далей самастойна забяспечваць сям'ю.
Легендаваны збор
Збор вядзецца на атрымальніка ў Беларусі і легендаваны ў мэтах бяспекі.Жанчына, атрымаўшы пакаранне па палітычным артыкуле, засталася з дзецьмі адна, пакуль яе муж у гэты час адбывае тэрмін за рэпост палітычнага характару. Іх сям'і патрэбна падтрымка ў гэты цяжкі час.
У 2020 годзе Сяргей Лялін, як ён сам кажа, «пераабуўся», убачыўшы ўзброеных сілавікоў супраць безабаронных грамадзян. Адседзеўшы за абразу Лукашэнкі, ён выехаў у Польшчу і просіць дапамогі на новае жыццё.
У Варшаве Сяргей Вайцюк знайшоў працу на будоўлі, але выжываць у такім рытме складана. Таму мужчына хоча перавучыцца (ужо знайшоў курсы) і просіць дапамогі на некалькі месяцаў.