Зміцер і Наста Дашкевіч звяртаюцца з просьбай аб падтрымцы ў выданні дзвюх кніг, напісаных пасля вызвалення Змітра. Гэтыя кнігі – апісанне таго, як жудаcна ламае жыццё беларускі рэжым, як уся гэтая машына працуе на знішчэнне асобы, а ёй трэба выжыць і вярнуцца дамоў, не згубіўшы сваё каханне. Негледзячы на тое, што кнігі апавядаюць пра турэмныя пакуты, адчай і цемру, галоўны аповед у іх пра веру, любоў і каханне.
Алег Дабрыднеў быў у 16 гадоў пазбаўлены волі на тры з паловай гады за «стварэнне экстрэмісцкага фарміравання або ўдзел у ім». Пасля вызвалення палітычны пераслед у адносінах да Алега працягнуўся, і яму ўдалося з’ехаць. Апынуўшыся за межамі Беларусі, Алег працягвае барацьбу з рэжымам шляхам антыпрапаганды і просіць падтрымаць яго ініцыятыву.
Вітаю, паважанае спадарства! Я – аўтар гістарычнага тэлеграм-канала. Ужо больш за тры гады я прафесійна і сістэмна даследую малавядомыя ды складаныя старонкі нашай мінуўшчыны. Сёння я працую над фундаментальнай працай – кнігай-даследаваннем, прысвечанай сімволіцы беларускіх антысавецкіх фарміраванняў гадоў другой сусветнай вайны.
Праект MROJA – гэта ініцыятыва стварэння беларускага экахутара на Падляшшы, месца для адпачынку і сустрэч беларусаў у эміграцыі. Камандзе патрэбна падтрымка на будаўніцтва вялікай альтанкі для тых, хто прыязджае, пакуль ідзе асноўная будоўля, каб беларусы маглі наведаць хутар ужо ў гэтым сезоне.
На гэты час няма асобных медычных праграм па падтрымцы ветэранаў-дабраахвотнікаў. А кошты на стаматалогію што ў Польшчы, што ў Літве непад’емныя для чалавека без стабільнага даходу. Таму нашая ініцыятыва KUS пачынае важны збор: мы збіраем сродкі на складанае стаматалагічнае лячэнне для 26 беларускіх ветэранаў, якія зараз знаходзяцца ў Літве і Польшчы.
Мяне завуць Ілля Міронаў, я былы палітзняволены, у 2023 годзе эвакуяваўся у Літву. У Вільні я арганізую канцэрты, творчыя вечары і культурныя падзеі з удзелам беларускіх музыкаў, якія былі вымушаны пакінуць радзіму праз рэпрэсіі.
Праект «Псіхалагічная падтрымка дзяцей з вопытам эміграцыі, уключна для дзяцей з аўтызмам» запушчаны Фондам Zachód Wschód Wsparcie, каб дапамагчы дзецям, якія перажылі вялікія змены, вырасці ўпэўненымі, спакойнымі і шчаслівымі дарослымі.
Этнацэнтр «Світанак» створаны для навучання традыцыям, фальклору і роднай мове, і гэта вельмі важна ва ўмовах абмежаванняў для развіцця нацыянальнай культуры ўнутры самой Беларусі. Мэта праекта – захаванне беларускай культуры сярод эмігрантаў і перасяленцаў, бо менавіта культура і дазваляла нам заставацца тымі, хто мы ёсць.
Пасля пераследу і блакіроўкі ў Беларусі каманда «Витебский Курьер news» працягвае змагацца за праўду пра родны горад. Цяпер праект на мяжы закрыцця – гэты збор дапаможа нам захаваць працу рэдакцыі і запусціць новыя фарматы.