Я ўдзельнічала ў дзейнасці апазіцыі яшчэ ў 2010 годзе, і, вядома, у 2020 таксама не змагла застацца ў баку. Я ўдзельнічала ў маршах і дваровых акцыях, займалася вырабам і распаўсюджваннем друкаванай прадукцыі (улётак, налепак і муралаў), збірала подпісы, заклікала людзей ачуцца і пачаць дзейнічаць. Дапамагала мясцоваму котасу і вяла акаўнт майго раёна ва інстаграм, пералічвала грошы ў фонды, старалася рабіць усё, што магу.
Знайшлі мяне паўгода таму. Вясновай раніцай да мяне дадому прыйшлі людзі ў цывільным для правядзення ператрусу. Падчас яго ў мяне была забраная ўся тэхніка, нават тая, на якой не было ніякай інфармацыі. У далейшым я была дастаўлена ў СК, дзе мне было прад'яўлена арт. 342 ч.1 УКРБ. Усё адбывалася вельмі хутка, далей я апынулася ў РАУС і следам на Акрэсціна, дзе да мяне быў ужыты псіхалагічны гвалт. З працы я была звольненая, як толькі кіраўніцтву стала вядома пра тое, што адбылося. Мяне і маіх сваякоў з гэтай жа прычыны выселілі з інтэрната.
Праз трое сутак на Акрэсціна я была адпушчана пад падпіску аб нявыездзе. Было прынятае рашэнне неадкладна з'язджаць з Беларусі, паколькі пагражаў тэрмін да 4 гадоў пазбаўлення волі. Мне ўдалося з'ехаць у іншую краіну, дзе я была 2 месяцы, пасля чаго мне ўдалося трапіць ва Украіну.
Яшчэ праз тры месяцы атрымалася аформіць усе дакументы і з'ехаць у Польшчу. Цяпер я дапамагаю рэпрэсаваным беларусам у адной з арганізацый.
Я маю патрэбу ў фінансавай дапамозе, паколькі пасля арышту выявіліся праблемы са здароўем. Патрабуюцца дзве аперацыі, а таксама псіхалагічная дапамога. Акрамя таго, фінансы патрабуюцца для далейшага жыцця ў Польшчы на перыяд адаптацыі. Таксама мне патрэбная перакваліфікацыя для далейшага працаўладкавання.
Дзякуй за вашу падтрымку і дапамогу!
Якая сума неабходна?
2400 € — медыцынская дапамога, перакваліфікацыя, арэнда жылля на два месяцы, харчаванне і дробныя выдаткі.