25 сакавіка — Дзень Волі. Асаблівае свята для беларускага народу. Дзень, калі была абвешчаная незалежнасць Беларускай Народнай Рэспублікі. Дзень, калі асабліва моцна гучаць такія словы, як свабода і дэмакратыя.
Сёлета ў гонар гадавіны мы плануем зладзіць у Варшаве вялікую міжнародную імпрэзу, сродкі на правядзенне якой мы цяпер і збіраем.
План мерапрыемства:
Падзея адбудзецца напярэдадні, у нядзелю, 24-га сакавіка. Кропка збору — плошча Трох Крыжоў у 14:00. Разам мы рушым да помніку Мікалаю Каперніку — месца правядзення традыцыйных нядзельных акцый. З прамовамі тут выступяць палітычныя і грамадскія дзеячы з Беларусі, Польшчы і Украіны. А пасля накіруемся да Замкавай плошчы — менавіта там нас будзе чакаць вялікі запальны электрычны канцэрт. Нас падтрымаюць таленавітыя, вядомыя беларускія артысты: Піт Паўлаў (“N.R.M.”), Belarusian Truestory, Atesta, The Superbullz, Dzieciuki і іншыя!
Што важна — сёлета свята будзе дабрачынным: мы будзем збіраць на дапамогу палітвязням — тым, хто змагаўся на нашую і вашую свабоду!
Арганізатарамі падзеі выступаюць розныя беларускія арганізаніцыі: Аб'яднаны Пераходны Кабінет, Народнае Антыкрызіснае Упраўленне, Беларуская Асацыяцыя Палітвязняў «Да волі», суполка «Беларусы Варшавы», Беларускі Моладзевы Хаб, Музей Вольнай Беларусі, пры інфармацыйнай падтрымцы Беларускага Радыё Рацыя, радыё Ўнэт, Еўрарадыё і Белсату.
Давайце талакой зладзім гэтае свята! Запрашаем падтрымаць наш збор!
Сума збора:
€4500
- мантаж/дэмантаж сцэны – €3000
- ганарары музыкам – €1100
- друк банераў і ўлётак , арганізацыйныя моманты – €400