Добры дзень!
Мяне завуць Ганна Федаронак, я стваральніца YouTube-канала «Лукашолкі».
У сакавіку 2020 года, пасля таго, як Сяргей Ціханоўскі прыехаў да нас у пасёлак, я стала валантэркай «Краіны для жыцця»: збірала подпісы за Святлану Ціханоўскую, арганізоўвала перадвыбарчыя мітынгі ў нашым раёне, была незалежнай назіральніцай на выбарах. Тройчы была арыштаваная і адбывала адміністратыўныя арышты.
У студзені 2021 года, калі на мяне завялі крымінальную справу, мне давялося з'ехаць з Беларусі. Праваабаронцы дапамаглі мне выбрацца ў Кіеў, а затым – у Польшчу.
У Варшаве я заснавала шэлтэр для беларускіх уцекачоў і дапамагала тым, хто зноў прыбывае, адаптавацца. Таксама я 2 гады працавала на канале «NEXTA». У снежні мінулага года я запусціла свой YouTube-канал «Лукашолкі», які стаў важнай часткай нашай барацьбы за свабоду.
Наш канал расказвае пра падзеі ў Беларусі з гумарам і сатырай, імкнучыся прыцягнуць увагу аўдыторыі 50+. Мы гаворым простай мовай, каб дапамагчы гэтым людзям зразумець, што адбываецца навакол. Нягледзячы на тое, што наш канал прызнаны экстрэмісцкім, і ў нас толькі 3560 падпісчыкаў, кожны выпуск збірае да 60 тысяч праглядаў, большасць з якіх з Беларусі.
Мы верым, што з дапамогай гумару зможам дагрукацца да людзей, якія інакш засталіся б у баку ад грамадскіх падзеяў. Судзячы па статыстыцы, у нас гэта атрымліваецца.
Але, як і многія незалежныя праекты, мы сутыкаемся з цяжкасцямі. Наш канал трымаецца на энтузіязме: мы здымаем на тэлефоны, у нас няма якаснага гуку і святла. Мы вельмі стараемся, але нам патрэбна дапамога, каб працягваць і развіваць наш праект.
Што нам трэба:
1. Абсталяванне для здымак і мантажу: камера, мікрафоны, святло, гук.
2. Падтрымка нашай каманды: мы таксама хацелі б падтрымаць людзей, якія дапамагаюць нам з мантажом, вокладкамі і прасоўваннем.
Калі вы зможаце нас падтрымаць, гэта дазволіць нам зрабіць «Лукашолкі» больш прафесійнымі і працягнуць нашу місію — адукоўваць беларусаў і змагацца за дэмакратычныя перамены.
Дзякуй за ўвагу! Да сустрэчы на YouTube.
Сума збору
€10000
€1500 – камера
€1500 – кампутар для мантажу
€200 – дыктафон і пятлічкі
€800 – святло
€3000 – праца мантажора на паўгода (€500 у месяц)
€3000 – праца каманды, якая дапамагае нам з прасоўваннем на паўгода (€500 у месяц)