У лістападзе я быў жорстка затрыманы і збіты сілавікамі. У адносінах да мяне ўжываўся электрашокер, я атрымаў незлічоную колькасць удараў нагамі і дубінкамі ў вобласць галавы і грудзей. Пасля суда змешчаны на 13 сутак у турму г. Жодзіна на 13 сутак. Пры афармленні ў РАУС, нягледзячы на шматлікія вонкавыя траўмы, мне вельмі грубіянска адмовілі ў медыцынскай дапамозе. Пасля майго вызвалення я прайшоў медыцынскае абследаванне ў цэнтры «ЛОДЭ» і мне дыягнаставалі перфарацыю барабаннай перапонкі і два зламаныя рэбры.
Праз некаторы час мной адкрыта зацікавіўся следчы камітэт, паколькі пры маім збіванні я аказваў супраціў. Прарэктар Акадэміі мастацтваў, дзе я вучыўся, паставіла мяне ў вядомасць аб тым, што неўзабаве я буду адлічаны з ВНУ. За дзень да закрыцця межаў Беларусі я паспеў выехаць на тэрыторыю Ўкраіны, аформіць польскую нацыянальную візу і пераехаць у Польшчу. Але зараз у мяне не засталося практычна ніякіх фінансавых сродкаў на тое, каб чакаць на тэрыторыі Польшчы да кастрычніка, пакуль мне не будзе дадзена жыллё па праграме Каліноўскага. На зімовы набор на Праграму я не патрапіў, бо адміністрацыя Акадэміі ўтрымлівала мае дакументы да лютага, каб я не змог працягнуць вучобу.
На дадзены момант я маю патрэбу ў фінансавай дапамозе, каб прайсці Медыцынскае абследаванне на прадмет ускладненняў пасля траўмаў, атрыманых пры затрыманні; каб падоўжыць арэнду жылля ў Любліне і пратрымацца да кастрычніка; купіць адзенне і ежу.
Якая сума неабходна?
3500 € — | 1. Падаўжэнне і далейшая арэнда жылля на працягу яшчэ чатырох месяцаў;
2. Выдаткі на медыцынскае абследаванне;
3. Выдаткі на харчаванне, бытавыя патрэбы і адзенне.