Беларускі добраахвотнік: дапамога адаптавацца пасля вайны

  • Гісторыя

 

Дарагія сябры!

Я – беларускі добраахвотнік, служыў у шэрагах Палка Кастуся Каліноўскага ва Украіне. Па меркаваннях бяспекі пакуль не магу назваць сваё імя ці пазыўны, аднак усе пацвярджальныя дакументы перададзеныя Фонду.

На пачатку 2023 года я прыехаў ва Украіну, каб далучыцца да барацьбы супраць расійскай агрэсіі. Маёй галоўнай матывацыяй было разуменне таго, што перамога Украіны стане важным крокам да вызвалення і незалежнасці Беларусі.

Пасля праходжання базавай ваеннай і медыцынскай падрыхтоўкі я служыў у медыцынскім падраздзяленні, удзельнічаў у эвакуацыі параненых на самых гарачых участках фронту: на Бахмуцкім, Горлаўскім і Харкаўскім напрамках. Самым складаным выпрабаваннем стала эвакуацыя з-пад Горлаўкі, калі мой экіпаж за адны суткі вывез больш за 20 параненых байцоў, а агульная колькасць эвакуяваных у той дзень перавысіла 65 чалавек.

Пазней мне давялося служыць у падраздзяленні цяжкага ўзбраення, а пасля – у разведцы на Харкаўскім напрамку. У сакавіку 2025 года я быў вымушаны разарваць кантракт і пакінуць фронт. Прычынай стала трагічная гібель маіх пабрацімаў. Пасля гэтых падзей я зразумеў, што больш не змагу эфектыўна выконваць задачы на перадавой.

Цяпер я знаходжуся ў Еўропе і сутыкнуўся з неабходнасцю лячэння і рэабілітацыі. Пасля ўдзелу ў баявых дзеяннях узніклі праблемы са здароўем: парушэнні сну, складанасці з сацыялізацыяй, а таксама фізічныя траўмы і стаматалагічныя праблемы.

Цяпер мне неабходна сабраць 3000 еўра:

– 1500 еўра на медыцынскую дапамогу (траўматолаг, стаматолаг, псіхіятрычнае лячэнне).
– 1500 еўра на арэнду жылля і штодзённыя выдаткі на працягу двух месяцаў, пакуль я праходжу сацыялізацыю і шукаю працу.

Я буду ўдзячны кожнаму, хто вырашыць падтрымаць мяне ў гэты няпросты перыяд адаптацыі да мірнага жыцця. Ваша дапамога для мяне – гэта магчымасць зноў стаць на ногі і рухацца далей.

Дзякуй за вашу неабыякавасць і падтрымку!

Сума збору
€3000

€1500 – прыёмы траўматолага (ёсць падазрэнне на перадгрыжавы стан, звязаны з нагрузкамі), стаматолага і наведванне псіхіятра для прызначэння лячэння
€1500 – пакуль я знаходжуся ў працэсе сацыялізацыі і пошуку працы, два месяцы арэнды жылля і дробных выдаткаў.

Сабрана:
€ 341 з 3 000