Сябры, знаёмыя і якія спачуваюць, на сувязі BOTANIC PROJECT і ў нас ёсць цікавая ідэя, але каб яе рэалізаваць хутка і якасна неабходна ваша ўцягнутасць.
Маленькая перадгісторыя.
За апошнія некалькі год у нас назапасілася шмат цікавага матэрыялу. З больш за 100 песень мы адабралі прыблізна 30 трэкаў, якія здаліся нам найболей удалымі, і ўмоўна падзялілі іх на 3 стылістычныя групы.
Ідэя складалася ў тым, каб зрабіць 3 альбомы, канцэптуальна розныя па форме, змесце і выкананні, але каб у той жа час усё разумелі што гэта Botanic project.
Хто за намі сочыць, той ведае, што пад новы год мы выпусцілі эксперыментальны альбом «Матрыца». Неадназначны, жорсткі, грубы і без прыкрас.
Зусім нядаўна мы прэзентавалі класічны reggae-альбом «Музыка сфер», унікальная праца, якая рэпетавалася і запісвалася ў Беларусі, згубілася на радарах ва Украіне, і ў выніку прэзентавалася ў Польшчы.
І ў нас застаўся круты свежы матэрыял на трэці альбом пад кодавай назвай «Мой soul» – 8 найпрыгажэйшых песень, многія з іх вы чулі на канцэртах, а некаторыя прыпевы ведаеце ўжо на памяць.
Гэта пакуль сюрпрыз, але мы ўжо дамовіліся з музыкамі найвыдатнай фірмы, гатовых паўдзельнічаць у запісе. У нас на прыкмеце ёсць месца ў Варшаве, дзе мы зможам якасна прапісаць партыі + людзі гатовыя давесці гэтую справу да ладу. На ўскідку, каб пакрыць асноўныя выдаткі на запіс і звядзенне, нам трэба сабраць каля €2000.
Улічваючы пастаўленую задачу, сума невялікая, але для свежых эмігрантаў, якія зарабляюць гульнёй на вуліцы, вельмі адчувальная. Таму мы прапануем вам паўдзельнічаць у нашым замуце і просім дапамагчы нам фінансава. Астатні крэатыў бярэм на сябе і абяцаем зрабіць усё ў найлепшым выглядзе.
З любоўю, вашыя Батанікі!
Сума збору:
€2100
€1000 праца гукарэжысэра (запіс, звядзенне, мастэрынг);
€550 арэнда студыі для рэпетыцыі і запісы, транспартныя выдаткі;
€550 ганарар запрошаным сэсійным музыкам.