Маё імя Юлія, я маці збітага АМАПам 16-гадовага Арсенія з г. Барысава. У сувязі з гэтымі падзеямі нашай сям'і прыйшлося ўцячы з краіны. У дадзены момант мы знаходзімся ва Ўкраіне.
11 жніўня мой 16-гадовы сын Арсеній быў затрыманы і збіты супрацоўнікамі АМАП у г. Барысаў. Я адразу ж паехала забіраць сына з мясцовага РУУС (ён паспеў мне патэлефанаваць з аўтазака). І убачыўшы яго стан, адразу ж вырашыла ўсімі сіламі абараняць свайго сына. Я напісала заяву па факце збіцця. Пасля гэтага тры гадзіны нас дапытвалі і аказвалі псіхалагічны ціск (пагражалі, крычалі, спрабавалі біць сына). Нягледзячы на гэта, я не здалася і змагла напісаць заяву. На наступны дзень нам з цяжкасцю ўдалося дабіцца судмедэкспертызы. А ўжо 13/08. 2020 г. на сына быў складзены адміністрацыйны пратакол па арт. 23.34 і прызначаная камісія па справах непаўналетніх. І 02.09.2020 г. адбылася першая камісія па справах непаўналетніх (КСН), па выніках якой дзіця было апраўдана. Гэта азначала, што зараз ім трэба шукаць і пакараць тых хто гэта зло здзейсніў, але гэтага яны зрабіць не маглі. Таму ў кастрычніку пракурорам было адменена рашэньне КСН і прызначаная новая камісія. І 22.10.2020 г. адбылася другая камісія, на якую ў якасці сведкаў былі запрошаныя тры міліцыянты. Па выніках гэтага паседжання КНД Арсенію быў прызначаны штраф. Пасля назначэння сыну штрафу была спынена справа па маёй заяве па факце збіцця. Абскарджанне рашэння КСН у мясцовым і абласным судзе не прынесла вынікаў. Акрамя ўсяго гэтага, пасля падзей жніўня 2020 г. на Арсенія ў тэхнікуме пачаўся ціск з боку адміністрацыі і выкладчыкаў.
У канцы красавіка нас з Арсеніем і адвакатам, які абараняў нашы інтарэсы ў КСН выклікалі на допыт у СК па крымінальнай справе па факце абразы старшыні КНД. Але баючыся наступстваў і таго, што нашу сям'ю разлучаць, мы з сям'ёй пакінулі Беларусь.
Нашых зберажэнняў хапіла толькі на білеты да Кіева. З рэчаў быў узяты толькі мінімум. Цяпер спрабуем знайсці працу ў Кіеве, вызначыць дзяцей на далейшае навучанне. Спрабуем арганізаваць Арсенію паўторнае абследаванне і працягнуць лячэнне. Арсеній праходзіў лячэнне ў нейрахірурга і неўролага. У малодшай дачкі пачаліся панічныя атакі.
Вельмі маем патрэбу ў фінансавай дапамозе для арэнды жылля, прадукты харчавання, лячэння дзяцей.
Якая сума неабходна?
3000 € — Арэнда жылля на 3 месяцы, прадукты харчавання, абследаванне і лячэнне сына, псіхалагічная дапамога дачкі, адзенне.