Добры дзень. Я трансгендэрная дзяўчына Юлія, мне 23 гады, да выезду ў Літву жыла ў Менску. Працавала ў сферы IT.
Я дапамагаю незалежным журналістам-расследавальнікам збіраць, падрыхтоўваць і правяраць інфармацыю. Знаходзячыся ў Беларусі, напісала агрэгатар СМІ ў Telegram, рыхтую яго да запуску. Таксама займаюся маніторынгам і зборам інфармацыі аб становішчы трансгендэрных людзей, распальванні нянавісці да іх. У прыватным парадку даю кансультацыі ЛГБТ-персонам, былі выпадкі працы з бацькамі. Таксама даю кансультацыі па лічбавай гігіене.
Зімой 2023 года мне пачалі пагражаць, а ў канцы красавіка мяне каля дома схапілі супрацоўнікі міліцыі, білі (яны былі на белым мікрааўтобусе… пад'ехалі, вылезлі, сябе ніяк не назвалі, я пачала адбівацца, за што першапачаткова была збітая), пагражалі, абражалі, перакапалі ўвесь тэлефон.
Пасля красавіцкага нападу я канчаткова страціла пачуццё бяспекі, цалкам замкнулася, з дому выходзіць баялася, пражыла час да атрымання візы як у жахлівым сне, страх і напружанне быццам забівалі мяне знутры. Я пасля першых пагроз, яшчэ зімой, усвядоміла сваю ўразлівасць, а пасля красавіцкага выпадку страціла рэшткі спакою. Алею ў агонь дадалі папраўкі Мінкульта, дзе ЛГБТ прыраўнялі да парнаграфіі.
Я запытала візавую падтрымку, атрымала візу і праз два дні пасля атрымання пашпарта пакінула Беларусь з невялікай сумай і заплечнікам, кінуўшы ўсё. Нягледзячы на цяперашнюю няпростую сітуацыю, пра гэта не шкадую, бо тое палягчэнне, якое я атрымала, практычна бясцэннае.
Так як я сыходзіла з адным заплечнікам, цяпер мне трэба пачынаць усё з нуля: легалізавацца, арандаваць жыллё, абзавесціся базавымі рэчамі, прайсці курс псіхатэрапіі, каб перастаць баяцца ўсяго і ўсіх вакол, адным словам – зноў пачаць жыць.
Я, на жаль, аказалася ў сітуацыі, дзе без вашай дапамогі мне не абысціся. Я буду ўдзячная за кожны цэнт дапамогі. Я спадзяюся выбрацца і прынесці яшчэ больш карысці людзям.
Сума збору
€3000
€1500 – арэнда жылля на 3 месяцы
€600 – базавыя рэчы
€500 – 10 сеансаў з тэрапеўтам
€400 – медстрахоўка, ВНЖ і іншыя дакументы