У 2020 годзе Аляксандр Царук быў назіральнікам на выбарах прэзідэнта Беларусі ад Аб'яднанай Грамадзянскай Партыі (АГП). У адказ на фальсіфікацыі і парушэнні на выбарах ён далучыўся да масавых пратэстаў. Яго некалькі разоў затрымлівалі: агулам ён правёў за кратамі 40 сутак.
Пасля пачатку поўнамаштабнай вайны ў Украіне Аляксандр далучыўся да беларускіх добраахвотнікаў тады яшчэ батальёна Каліноўскага і ўзяў пазыўны «Сашко». Ягоным камандырам быў «Волат». І калі ён загінуў, менавіта Аляксандр здзяйсняў прыкрыццё эвакуацыі групы.
Праблемы са здароўем вымусілі Аляксандра з'ехаць у Вільнюс у чэрвені 2022 года. Выявілася, што ў яго — разбуранне тазабедранага сустава. Былому добраахвотніку давялося штодня прымаць моцныя абязбольвальныя.
Але гэта не ўсё. Жыццё падкінула Аляксандру яшчэ адну складанасць: у траўні 2023 лекары выявілі ў беларуса рак (плоскаклеткавая карцынома галавы і шыі). Пасля дзесяцігадзіннай аперацыі пухліну выдалілі, і Аляксандр праходзіў курс радыё-выпраменьвальнай тэрапіі. 55-гадовага мужчыны не стала 13 красавіка. Яго дачка зараз арганізоўвае пахаванне бацькі. Аднак неабходнай сумы для пахавання яна не мае. Таму просіць пра дапамогу.
Сума збора: €4000
Усе сабраныя ахвяраванні будуць перададзеныя дачцы Аляксандра для арганізацыі пахавання.