Вітаю!
Мяне завуць Таццяна, я педагог. Праз данос Вольгі Бондаравай я была вымушана тэрмінова з'ехаць з Беларусі. Звяртаюся да вас з просьбай аб падтрымцы ў цяжкі для мяне і маёй 15-гадовай дачкі перыяд.
Доўгі час я працавала ў бізнэс-сферы ў Менску, але, імкнучыся зрабіць ўнёсак у развіццё адукацыі, прыняла рашэнне пераехаць з Менска ў горад Ляхавічы Берасцейскай вобласці па праграме «Настаўнік для Беларусі» і прысвяціць сябе педагагічнай дзейнасці. За 5 год у Ляхавіцкай гімназіі я прайшла шлях ад настаўніцы да намесніцы дырэктара па навучальнай працы.
Мая праца і імкненне да ўдасканалення педагагічнага майстэрства былі адзначаны на рэспубліканскім узроўні. У 2023 годзе я стала фіналісткай конкурсу «Настаўнік года Рэспублікі Беларусь 2023», што стала для мяне вялікім гонарам і пацвярджэннем слушнасці выбранага шляху.
Аднак, нягледзячы на ўсе мае намаганні і дасягненні, у снежні 2024 года я сутыкнулася з несправядлівым абвінавачаннем у экстрэмісцкай дзейнасці. Вольга Бондарава на мяне напісала серыю паклёпаў, і мной зацікавіліся сілавікі.
Мой суд быў прызначаны на 28 студзеня 2025 года, і, баючыся несправядлівага прысуду, я была вымушаная пакінуць родную краіну і разам з дачкой шукаць прытулку ў Польшчы. Цяпер мы знаходзімся ў Варшаве, дзе спрабуем пачаць жыццё нанова.
На жаль, нашыя ашчаджэнні абмежаваныя, і без вашай дапамогі нам будзе складана забяспечыць сабе годныя ўмовы для жыцця. Мы маем патрэбу ў сродках для аплаты арэнды жылля, набыцця неабходных рэчаў і пакрыцця штодзённых выдаткаў.
Звяртаюся да вас з просьбай падтрымаць нас у гэты няпросты перыяд. Любая, нават самая невялікая дапамога, будзе для нас неацэннай і дапаможа пераадолець цяжкасці на шляху да новага жыцця.
Загадзя дзякую ўсім, хто адгукнуўся, за разуменне і падтрымку. Вашая дапамога дорыць нам надзею і сілы рухацца наперад.
З павагай і падзякай,
Таццяна Крапіневіч.
Сума збору
€2900
€2100 – арэнда жылля на 3 месяцы + заклад
€900 – ежа і самыя неабходныя рэчы для нас з дачкой