З лістапада 2020 года ў Беларусі стала на дваіх палітвязняў больш — у сям'і Самусенка затрымалі дваіх сумленных і годных людзей — гэта браты Аляксей і Кім.
Дома ў іх прайшлі ператрусы, была канфіскавана ўся камп'ютарная тэхніка, тэлефоны і шэраг іншых рэчаў. Таксама ператрусы нагналі іх бацькоў.
Кім праходзіць абвінавачаным па трох артыкулах крымінальнага кодэкса: арганізацыя і падрыхтоўка дзеянняў, якія груба парушаюць грамадскі парадак; масавыя беспарадкі; несанкцыянаваны доступ да камп'ютарнай інфармацыі — узлом сеткі Мінгарвыканкама.
Аляксей Самусенка абвінавачваецца па двух артыкулах КК РБ (342 і 293).
Толькі па адным з гэтых артыкулаў братам пагражае тэрмін турэмнага зняволення даўжынёю ў 8 год!
У сітуацыі, якая склалася пацярпелі 3 сям'і — не толькі страціўшы свабоду блізкіх членаў сям'і, але і апынуўшыся ў цяжкім матэрыяльным становішчы.
Маці Кіма і Аляксея не мае магчымасці працаваць, бо ўвесь час і рэсурсы ідуць на падтрымку сыноў.
Таксама ў братоў ёсць сем'і — дачкі Кіма нядаўна споўніўся 1 год, сыну Аляксея — 4 гады.
Нягледзячы на ўсе асаблівасці цяперашняга становішча, у сваіх лістах яны заўжды імкнуцца падтрымаць родных, блізкіх і новых сяброў па перапісцы.
«Шлю ўсім промні падтрымкі з СІЗА 1», «Прызнаваць, што хлусня — гэта праўда, я не збіраюся. Цяпер ісціна вядомая ўжо ўсім», — пішуць браты.
Аляксей і Кім — людзі, якім не чужыя такія паняцці як гонар і справядлівасць. І не абыякавы лёс краіны, у якой яны жывуць.
Цяпер надышла наша чарга праявіць салідарнасць — давайце дапаможам Кіму і Аляксею!
Якая сума неабходна?
3090 еўра — фінансавая дапамога Кіму, Аляксею і на падтрымку іх сем'яў.