Нядаўна я быў затрыманы пасля таго, як на мяне напалі невядомыя каля крамы, куды я хадзіў па прадукты. Супрацоўнікі папрасілі прад'явіць пашпарт і на вокладцы ўбачылі герб «Пагоня». Мяне затрымалі і канфіскавалі тэлефон, у якім пазней знайшлі фота з пратэстаў, дакументы з участку для галасавання, а таксама іншыя дакументы і фота, якія захоўваліся на воблаку. Уначы я быў шпіталізаваны ў лякарню з пераломам. Таксама ў мяне не было з сабой інсуліну, што значна пагоршыла маё самаадчуванне. Пратакол і вопіс рэчаў не далі, нягледзячы на маё патрабаванне.
Выпісаўшыся па патрабаванні з лякарні, праз некалькі дзён я прыйшоў у РАУС забраць рэчы. Замест гэтага мяне зноў арыштавалі, але ўжо на 72 гадзіны. У РАУС мяне пратрымалі 32 гадзіны без ежы і інсуліну, што магло скончыцца для мяне комай, аднак на гэта ніхто не зважаў. Мне прад'явілі арт. 24.23 і 19.1 КаАП. Пратаколы былі сфальсіфікаваныя. Суд з канца студзеня пераносіўся двойчы: спачатку з дапамогай адваката, цяпер прызначаны на люты.
Мне вядома, што ўжо рыхтуюць крымінальную справу нібыта за дачу хлуслівых паказанняў, якія тычацца абставін атрымання мной пералому, пры тым што ў органах ёсць відэаздымка з камеры крамы, каля якой гэта адбылося. У мяне ўсяго некалькі дзён, каб з'ехаць. Прашу невялікай дапамогі неабыякавых аднадумцаў, бо мне бракуе сродкаў нават на дарогу і лекі (інсулін), якія неабходна ўзяць з сабой.
Якая сума неабходна?
300 € — квіткі да РФ, жытло на некалькі дзён у РФ, дарога да Кіева, харчаванне, інсулін, тэлефон, у якім не было асабістых сім-картаў і сувязь.