Пасля выбараў у жніўні 2020 года першы раз я выйшла ў ланцуг салідарнасці з белымі кветкамі 13 жніўня ў сябе на раёне. Потым я выходзіла на нядзельныя маршы, паралельна з гэтым я раскідвала ўлёткі, клеіла налепкі бчб, хадзіла на раённыя сустрэчы і канцэрты, на якіх мы ўсе разам падпісвалі паштоўкі для палітвязняў. Была сярод тых, хто хадзіў раённымі маршамі. Затым, аб'яднаўшыся з аднадумцамі, уступіла ў чат, у якім збіраюць подпісы на водгук дэпутата: прыходзіла на сустрэчы, падпісвала звароты да дэпутатаў, заявы ў СК, пракуратуру і іншыя інстанцыі.
Бліжэй да канца лістапада, мяне «накрыў» неўроз. Пры выглядзе караляў у мяне пачыналіся панічныя атакі, але я працягвала быць актыўнай у апазіцыйных ТГ-каналах.
9 ліпеня 2021 года, калі я ішла на працу, да мяне падышлі двое супрацоўнікаў, прад'явілі пасведчанні і пастанову на ператрус у мяне ў кватэры. Пры ператрусе былі знойдзеныя: улёткі, налепкі, балоны з фарбай, трафарэт і г.д. Усе забралі, таксама забралі мой тэлефон і кампутар. Мяне павезлі на допыт. Я аказалася сведкам па крымінальным артыкуле. Пасля допыту мяне адпусцілі дадому пад падпіску аб невыдаванні.
14 ліпеня мы з сынам прынялі цяжкае для нас рашэнне з'ехаць з Беларусі. Паколькі з'яжджалі экстрана, сабраліся за гадзіну і рэчаў з сабой не ўзялі. Па шляху накіравання ў бяспечнае месца мы трапілі ў сур'ёзнае ДТЗ. Нягледзячы на тое, што мы былі прышпілены рамянямі бяспекі, я атрымала компрессіонные пераломы 5ти позвонков і моцны ўдар хрыбетніка. На сённяшні дзень я змушаная выконваць пасцельны рэжым на працягу 3-4 тыдняў. Бо любыя рухі дастаўляюць боль і дыскамфорт, я не магу нахіляцца каб памыцца і прымаць душ. Таксама мне неабходна прымаць значную колькасць лекаў на працягу 2-3 тыдняў. Пасля гэтага мяне чакае рэабілітацыйны перыяд, які працягнецца некалькі месяцаў, цягам якіх у мяне будуць строгія абмежаванні па фізічнай нагрузцы.
У сына ў Менску было дзве аперацыі на сэрцы, таму цяжкія падпрацоўкі адразу адпадаюць. Дыстанцыйна працаваць не маем магчымасці, бо мы не IT-шнікі.
Нажаль гэта накладвае абмежаванні на магчымасць хуткага працаўладкавання ў іншай краіне. З аплатай медыцынскіх выдаткаў нам дапамаглі зладзіцца, але неабходныя сродкі, каб пратрымацца перыяд медыцынскіх абмежаванняў, да таго моманту як я змагу ўладкавацца на працу.
Якая сума неабходна?
3520 €.
2000 €:
1) Арэнда жылля на 4-5 месяцы: 830 €;
2) Прадукты на 4-5 месяцы: 420 €;
3) Рэчы (верхняе, ніжняе адзенне, канцылярыя, посуд, асабістая гігіена): 240 €;
4) Аплата мабільных паслуг на 4-5 месяцы: 55 €;
5) Паўторнае медыцынскае абследаванне пасля ДТЗ. МТР, кансультацыі лекара, лекі: ~235 €;
6) Афармленне страхоўкі, купля білетаў у Польшчу: 220 €.
1500 €:
1) На першы час пражывання ў Польшчы.