Мачалаў Станіслаў — гэта чалавек, які не можа маўчаць, калі сустракаецца з хлуснёй і несправядлівасцю. Чалавек, які не змог застацца ў баку, калі краіна аказалася на мяжы прорвы. Ён адзін з тысяч сапраўдных беларусаў: міралюбівы і актыўны, клапатлівы сын, смелы і шчыры чалавек, высакакласны IT-спецыяліст, які пастаянна ўдасканальвае свае прафесійныя навыкі, адказны і пазітыўны сябар. З гэтай прычыны ён быў асуджаны па некалькіх артыкулах КК РБ — 342 ч.1 і 364. Прысуд: 3 гады ВК агульнага рэжыму.
У якасці навагодняга «падарунку» Станіславу прысудзілі выплаціць матэрыяльную кампенсацыю ў памеры 1200 рублёў. Затрымалі Станіслава 28 траўня 2021 года, і вось ужо цягам васьмі месяцаў ён знаходзіцца ў СІЗА. Станіслаў прызнаны палітвязнем. Ён не застаўся абыякавы, калі 9 жніўня 2020 г. у беларусаў усёй краіны скралі галасы падчас фальсіфікацыі на прэзідэнцкіх выбарах. Праяўляў сваю грамадзянскую пазіцыю мірным спосабам. Праяўляў салідарнасць і падтрымку з затрыманымі па «народных» артыкулах, збіраў і адпраўляў перадачы, пісаў лісты. Прыцягваўся па адміністрацыйных артыкулах 23.34, 24.3, 19.11 восенню і вясной. У агульнай суме адсядзеў больш за 30 сутак на ІЧУ, калі абвінавачанне было сфальсіфікавана, а вінаватым ён сябе не прызнаў ні разу.
У траўні 2021, адразу пасля таго, як Станіслаў зрабіў гуманітарную візу, бо баяўся за сваю свабоду, быў схоплены і адпраўлены ў ІЧУ, дзе яму прад'явілі абвінавачанне і перавялі ў СІЗА. На судзе Станіслаў не прызнаў сваю віну. Знаходзячыся пад вартай, ён вывучаў крымінальны і працэсуальны кодэкс, і такога дасягнуў поспеху ў гэтай справе, што цяпер кансультуе сваіх міжвольных суседзяў. Акрамя таго, ён вельмі актыўны і не падае духам, — займаецца спортам на прагулках, вучыцца маляваць. Цяпер яго малюнкі, якія ён адпраўляе ў лістах, не прапускаюць цэнзары, бо бачаць у іх дэструктыўныя карыкатуры.
Станіслаў працуе ў IT-сферы. Для таго, каб не страціць кваліфікацыю, яму ўдалося выпісаць некалькі кніг па праграмаванні для самаадукацыі. Усё гэта нягледзячы на тое, што пасля апошняга адбывання пакарання ў жорсткіх умовах ІЧУ ў красавіку 2021, — у яго здарыўся гіпертанічны крыз. Ціск стаў падвышацца штодня і цяпер яго трэба стала кантраляваць, піць неабходныя таблеткі. Цяпер яго стан пагоршыўся, пачасціліся галавакружэнні.
Нягледзячы ні на што, Станіслаў у сваіх лістах перадае ўсім знаёмым і незнаёмым людзям прывітанне, і верыць у светлую будучыню ў Новай Беларусі
Маёмасць Станіслава цяпер знаходзіцца ў закладзе, і мы стараемся сабраць суму для аплаты пазову, інакш вярнуць яе будзе немагчыма. Такой сумы ў бацькоў пенсіянераў з хранічнымі захворваннямі няма і не прадбачыцца. Маюць быць яшчэ зборы ў ВК і далейшая падтрымка ў складаных умовах. Звяртаемся па дапамогу да неабыякавых грамадзян, калі ласка, акажыце пасільную дапамогу! Сваімі сіламі мы не дамо рады.
Якая сума неабходна?
2700 € — зборы для этапавання ў ВК пасля абскарджання прысуду; дапамога бацькам пенсіянерам з хранічнымі захворваннямі ў далейшым зборы пасылак; дапамога Станіславу на працягу тэрміну адбывання ў калоніі.