«Калі пачаліся маршы, я, як і ўсё, не мог маўчаць. Ведаў, што могуць затрымаць, але быў упэўнены: лепш стаяць з гітарай на плошчы, чым хавацца ў цішыні», – узгадвае Кірыл.
Падчас аднаго з пратэстаў ён сядзеў каля метро з гітарай, спяваў для мінакоў – і быў затрыманы.
Усяго ў 2020-2021 гадах хлопца затрымлівалі тройчы. Першы раз за ўдзел у маршы. Яго збілі, двое сутак трымалі на Акрэсціна, а пасля аштрафавалі. Другі арышт здарыўся праз два месяцы: 15 сутак за ўдзел у мірнай акцыі. Трэці – летам 2021 года: Кірыл заступіўся за дзяўчат, якія падвергліся гамафобнаму нападу, падняў сцяг ЛГБТ+ і быў затрыманы на наступны дзень. У пратаколе ўказалі, што ён «арганізатар ЛГБТ-акцыі». Яму далечы 30 сутак. «Мяне збілі і пасадзілі. Тады я зразумеў: далей будзе толькі горш».
Пасля трэцяга арышту Кірылу выклікалі ў міліцыю і працягвалі запалохваць. «Я панікаваў кожны раз, калі бачыў бусік, ці міліцэйскі ўазік. Разумеў: калі не з'еду – апынуся ў турме ці проста не вытрымаю псіхічна». Увосені 2021 года ён з'ехаў у Літву.
Цяпер Кірыл жыве ў Вільні, працуе ў супермаркеце. Змяніў каля дзесяці прац, у асноўным – часовых. Нягледзячы на веданне ангельскай (B2) і музычную адукацыю, знайсці стабільную працу паводле спецыяльнасці не атрымоўваецца. «Музыка – гэта ўсё, што ў мяне ёсць. Я спадзяваўся, што змагу гэтым зарабляць, але нават з досведам і навыкамі ніхто не бярэ. Часам граю на вуліцы – хаця б так».
Падтрымкі ад сям'і няма – усе сваякі засталіся ў Беларусі. Кірыл жыве адзін, у здымнай кватэры, і знаходзіцца ў цяжкай фінансавай сітуацыі: завінаваціўся за жыллё, ежу, не можа аплаціць лячэнне, курсы і дакументы. «Часам грошай не застаецца ні на ежу, ні на арэнду. Гэта як бясконцае кола. Падаецца, што з яго няма выйсця».
Сума збору
€2000
€300 – лячэнне зубоў (каранёвыя каналы)
€160 – консульскі збор за пашпарт
€300 – арэнда жылля
€100 – харчаванне і прадметы першай неабходнасці
€500 – індывідуальная псіхатэрапія
€350 – курсы літоўскай мовы
€240 – экзамен па літоўскай мове