Мяне завуць Марыя Несцерава. Я былая палітзняволенай, якая цяпер пачынае новае жыццё ў Грузіі.
У 2020 годзе ў мяне з‘явілася надзея на перамены ў нашай краіне, таму я стала незалежнай назіральніцай. Тое, што я бачыла падчас выбараў і пасля, не пакінула мяне абыякавай, і я працягнула паводзіць сябе актыўна – адміністравала чаты беларускіх прадпрыемстваў, падтрымлівала ідэю ўсеагульнай забастоўкі. У кастрычніку 2020 года я была затрыманая каля сваёй кватэры супрацоўнікамі ГУБАЗіКу і асуджаная па 342 артыкуле (арт. 342 КК РБ – арганізацыя і падрыхтоўка дзеянняў, якія груба парушаюць грамадскі парадак). Я вярнулася ў сваю кватэру праз тры доўгія і жудасныя гады, якія не хочацца ўспамінаць.
Да затрымання шмат гадоў я была дзяржслужачай, потым адкрыла ІП, а таксама зарабляла дыстанцыйна — займалася капірайтынгам. Падчас утрымання пад вартай, у парушэнне законаў, мне былі налічаны ўнёскі ў Фонд сацыяльнай абароны насельніцтва. Праз гэта ўтварылася запазычанасць і маё ІП збанкрутавалі, пазбавіўшы мяне асноўнай крыніцы даходу. Нягледзячы на гэта, пасля вызвалення я заставалася ў Беларусі, каб падтрымліваць маці: ёй 86 гадоў і яна мае патрэбу ў дапамозе ў побыце. Паўгода я заставалася ў краіне, зарабляючы на жыццё часовымі падпрацоўкамі.
У сярэдзіне снежня 2023 года мне паступіла паведамленне ад дасведчаных людзей аб тым, што мяне цягам некалькіх дзён павінны зноў затрымаць. Цяжка перадаць, што я адчула ад думкі, што мне зноў пагражае турма і ўвесь гэты жах, які я прайшла. Атрымаўшы гэтае паведамленне, я проста выйшла з дому і назад больш не вярнулася. З'ехала з краіны са старым пашпартам, без візы і практычна з пустымі рукамі. Дзякуючы BYSOL я была эвакуавана ў Грузію, дзе цяпер жыву, вырашаю пытанні падачы на палітычны прытулак і працягваю падзарабляць у сферы капірайтынгу.
Каб забяспечыць сябе ў чужой краіне і не залежаць ад моўнага бар'ера, я планую працаваць дыстанцыйна. У перыяд утрымання пад вартай у мяне моцна пагоршыўся зрок, таму мне складана працаваць онлайн з экрана мабільнага тэлефона. Акрамя таго, я б хацела асвоіць новыя для мяне актуальныя напрамкі онлайн заробку. Гэта прасоўванне і манетызацыя ютуб-канала, а таксама праца мэнэджэркі маркетплэйсаў. Вельмі б хацелася стварыць свой сайт пад бізнэс-ідэю, якая ў мяне нарадзілася ў зняволенні (было б цікава рэалізаваць яе, у тым ліку і як дапамогу нашым палітвязням). Для гэтага мне патрэбен добры ноўтбук, які не падводзіць, мае вялікі экран (я берагу рэшткі свайго зроку) і можа працаваць з графічнымі рэдактарамі.
Дзякуй!
Сума збору:
€2300
NOTEBOOK ASUS ROG STRIX G16 (90NR0D42-M003W0) 16" IPS WQXGA 165HZ RTX4070 8GB I9-13950HX 16GB DDR5 1TB M.2
https://gitec.ge/en/notebook-asus-rog-strix-g16-90nr0d42-m003w0-16-ips-wqxga-165hz-rtx4070-8gb-i9-13950hx-16gb-ddr5-1tb-m2