13 верасня 2020 года мой муж Уладзімір быў на мітынгу ў родным Віцебску. Яго схапілі супрацоўнікі міліцыі (5 чалавек), зламалі палец на левай руцэ, закінулі ў машыну, дзе працягнулі збіваць. Калі ён сказаў пра зламаны палец, то яны гэты ж палец вывернулі ў іншы бок! Вова страціў прытомнасць ад болю …
Нягледзячы на прадстаўленыя на суд медыцынскія дакументы (у яго анкалогія), яго ж самога абвінавацілі ў «гвалце на адрас супрацоўнікаў міліцыі» і асудзілі на 3,5 гады калоніі і выплату кампенсацый. Не змякчыў прысуд ні Володін анкалагічны дыягназ (ён прайшоў 4 курса хіміятэрапіі), ні наяўнасць на ўтрыманні двух непаўналетніх дзяцей (11 і 13 гадоў). Больш за тое: у траўні ў яго забралі групу па інваліднасці, пазбавіўшы пенсіі ў 250р. І адправілі ў калонію «Ваўчыныя норы» ў Брэсцкай вобласці.
У нас вельмі добрая, дружная сям'я — тата заўсёды быў апорай і вялікай падтрымкай ва ўсім. Наша дачка Альбіна захапляецца маляваннем, а сын Эдвард займаецца акрабатыкай. Дзякуючы падтрымцы таты сын зараз займае на конкурсах першыя месцы!
Цяпер нам вельмі патрэбна дапамога: я працую і атрымліваем 370р., на якія немагчыма і гадаваць дзяцей, і наведваць мужа ў калоніі, і адпраўляць яму туды прадуктовыя пасылкі і лекі
Якая сума неабходна?
2200 эўра:
1080 еўра — судовыя выдаткі і выплата кампенсацый
320 еўра — падрыхтоўка дзяцей да новага навучальнага года (школьныя прыналежнасці, адзенне, абутак)
800 еўра — паездкі да мужа, прадуктовыя пасылкі, адзенне і лекі для яго — прыблізна на бліжэйшыя паўгода