Мая мама, Кузьменка Ларыса, на сённяшні дзень палітзняволеная — сярод тых жанчын, якія выйшлі на вуліцу з мэтай спыніць хаос, кроў і беззаконне цаной сваёй свабоды.
У пачатку 27 верасня 2020 года маці была затрымана і асуджана па адміністрацыйным артыкуле 23.34. за тое, што спявала афіцыйны гімн Рэспублікі Беларусь на цэнтральнай вуліцы горада і не пабаялася дапамагаць людзям, калі супрацоўнікі АМАПа сталі затрымліваць мінакоў, якія гулялі па горадзе. Пасля размовы ў РАУС, дзе яна адчула сябе дрэнна, ёй аказалі дапамогу лекары хуткай. Пасля ночы ў ІЧУ і суда нервовая сістэма было лячэнне ў псіхіятрычным дыспансеры на працягу 2-х месяцаў з канчатковым дыягназам: «трывожна-дэпрэсіўны стан з сіндромам клаўстрафобіі».
Падзеі сталі развівацца праз год, пасля 6 жніўня 2021 года. На працоўнае месца па Ларысу прыйшлі супрацоўнікі міліцыі, прад'явіўшы ордэр на арышт па крымінальнай справе, хаця ніякіх пытанняў пасля суда і пакарання па адміністрацыйным артыкуле да гэтага часу не было.
Зноў трое жорсткіх сутак у ІЧУ, допыт і абвінавачанне па 364 ст. КК РБ: гвалт або пагроза гвалту над супрацоўнікамі праваахоўных органаў 27 верасня 2020 года. На судзе было відавочна, што ў справе шмат супярэчнасцяў, доказы ўскосныя і справа не вытрымлівае ніякай крытыкі. Мама вельмі ранімы, адказны, добры і спагадлівы чалавек, а затрыманне, знаходжанне ў ІЧУ, СІЗА на працягу доўгага часу і суды зусім падарвалі яе маральнае і фізічнае здароўе.
На сённяшні дзень яна прымае шмат розных лекаў і наведвае псіхолага ва ўмовах СІЗА. Ларыса — самая лепшая бабуля. Вельмі любіць свайго ўнука і ў лістах толькі і пытаецца, як ён расце. Мама асабліва шкадуе аб тым, што яе пазбавілі радасці зносін з любімым унукам. Нягледзячы на складаныя захворванні нервовай сістэмы і немагчымасць знаходзіцца доўгі час у стрэсавым стане ў закрытым памяшканні, суд прысудзіў хворую жанчыну да 2 гадоў ВК агульнага рэжыму.
У мамы састарэлыя і хворыя бацькі, па якіх яна вельмі сумуе і ў якіх няма магчымасці дапамагчы ў зборы перадач, пасылак і забеспячэнні іншых патрэб дачкі. У далейшым патрэбны грошы на аплату крэдыту, рэчавыя і прадуктовыя пасылкі і перадачы ў ВК. Будзем удзячныя за любую дапамогу нашай сям'і.
Якая сума неабходна?
2600 € — медыкаменты для мамы, рэчавыя, прадуктовыя пасылкі і перадачы ў ВК.