Добры дзень!
Я журналістка тэлеканала «Белсат». На жаль, я не магу назваць свайго імені, бо ў Беларусі засталіся блізкія мне людзі, якія цяпер знаходзяцца пад крымінальным пераследам.
Да 2022 года я рабіла перадачу «Маю права», а з 2022 года — «Ваяры» — пра беларускіх добраахвотнікаў, якія абараняюць Украіну. Увесь гэты час я працавала з Беларусі — мела зносіны з добраахвотнікамі, складала план здымак, пытанні, пісала мантажны сцэнар. Апроч журналісцкай працы я адпраўляла бандэролі падтрымкі ў СІЗА: прадукты, тэрмабялізну і г.д. для рэпрэсаваных, рабіла грашовыя пераказы.
Калі пачаліся арышты за адпраўку перадач і грашовых сродкаў, я стала падтрымліваць родных палітычных вязняў, з кім была знаёмая: з кім сустракалася асабіста, камусьці адпраўляла пасылку. Гэта былі такія невялікія «прыемнасці», каб проста падтрымаць людзей.
З'яжджаць з Беларусі я не планавала, імкнулася стаць нябачнай: выдаліла акаўнты з сацсетак, прыбрала з кватэры ўсё, што магло хоць неяк скампраметаваць мяне. Аб маёй дзейнасці і працы не ведалі нават у сям'і.
Аднак… У траўні ў мяне дома прайшоў ператрус, а мяне павезлі на допыт у галоўнае ўпраўленне СК. Дома ў мяне нічога не знайшлі – працоўны кампутар у мяне заўсёды знаходзіцца па-за домам, тэлефон скінула да завадскіх налад і ўвамкнула запасны ўліковы запіс. Допыт цягнуўся 4 гадзіны. Я змагла пераканаць следчага, што ні да чаго не датычная, і мяне адпусцілі. У чарговы раз мне пашанцавала.
У жніўні 2024 года мне патэлефанавала следчы з СК, мяне зноў выклікалі на допыт. Справа ў тым, што на маю беларускую валютную карту паступалі пераказы з замежных арганізацый. Гэта так, да 2021 года я атрымлівала заробак на беларускую карту, у той час гэта было/здавалася не небяспечным. Ужо потым я завяла еўрапейскі рахунак. На гэты раз я зразумела, што мне не ўдасца пазбегнуць бяды.
Я звязалася з BYSOL і мяне і дваіх маіх дзяцей тэрмінова эвакуавалі з Беларусі. Уцякалі мы проста з лецішча, з адным заплечнікам. Цяпер даводзіцца пачынаць жыццё з нуля. Майму малодшаму сыну 3 гады, ён асаблівае дзіця. Раз на паўгода яму трэба правяраць сэрца, а таксама яму патрэбныя заняткі з дэфектолагам. У Беларусі ён займаўся 2 разы на тыдзень. Цяпер мы губляем усё, што малы напрацаваў са спецыялістам.
Незапланаваны пераезд даецца вельмі цяжка і мне банальна не хапае сродкаў, каб закрыць хаця б абавязковае. У Беларусі мне хапала сродкаў не толькі на сям'ю, але і на дапамогу іншым, а тут я сама прашу аб дапамозе, але, самае галоўнае, што я на волі, і мы ў бяспецы. Ваша дапамога дапаможа нам як мага хутчэй адаптавацца да новай рэальнасці.
Дзякуй.
Сума збору
€3000
€1500 – арэнда жылля на 3 месяцы
€1000 – 25 заняткаў сына з дэфектолагам
€500 – самае неабходнае на першы час