Нашая сям'я прымае ўдзел у пратэсным руху з 2014 года. У жніўні 2020 года мы аддалі свае галасы за Святлану Ціханоўскую. Мы шчыра верылі, што ў Беларусі надышоў час перамен. Мы спадзяваліся на светлую будучыню. Але ўсе памятаюць, што адбывалася пасля выбараў…
10 жніўня 2020 года майго мужа затрымалі і збілі. Яго адпусцілі праз некалькі дзён. Нягледзячы на гэта, 16 жніўня 2020 года мы зноўку пайшлі на марш Свабоды. Мы таксама ўдзельнічалі ў калядных акцыях, дваровых канцэртах і маршах, якія праходзілі ў нядзелю. У той час затрыманні нас абмінулі.
Але ў верасні 2022 года да нас прыйшлі прадстаўнікі ГУБАЗіК у цывільным. Яны абшукалі кватэру і праверылі смартфоны. Забралі рэчы з БЧБ сімволікай і арыштавалі мужа. Яго пры гэтым жорстка збілі на вачах у дзяцей.
Пакуль муж знаходзіўся ў СІЗА на Акрэсціна, яго катавалі. Ён падарваў там здароўе. 29 снежня 2022 года яго асудзілі на тры гады адбывання ў папраўчай установе адкрытага тыпу («хіміі») без накіравання. Мы спадзяваліся, што пасля гэтага нас пакінуць у спакоі, але атрымалася інакш.
Прадстаўнікі сілавых структур сталі прыходзіць да нас да трох разоў на дзень. Яны правяралі камп'ютары і тэлефоны, вялі відэазапіс агляду кватэры. Аднойчы такі візіт скончыўся арыштам мужа, якога пазней адпусцілі без усялякага тлумачэння.
Нам стала небяспечна заставацца ў Беларусі, чакаючы наступнага арышту. Я з дзецьмі выехала ў Польшчу. Муж пакуль застаецца ў Беларусі. Шукаем фінансавай падтрымкі на першы час пасля пераезду.
Дзякуй!
Сума збору:
€1545 Аплата кватэры з дэпазітам.