Андрэй працаваў псіхолагам у адным з беларускіх раённых цэнтраў (праца з наркаспажыўцамі ў кабінеце замяшчальнай тэрапіі метадонам, псіхадыягностыка пацыентаў бальніцы, праца на гарачай лініі экстранай псіхалагічнай дапамогі).
Да 2020 г. Андрэй увогуле не ведаў, дзе ў горадзе знаходзіцца РАУС. Аднак, у 2020 г. усё змянілася. Упершыню за ім на працу прыехалі супрацоўнікі сілавых ведамстваў вясной 2021 г., бо па дадзеных білінгу тэлефоннай сувязі ён мог знаходзіцца ў «зоне здзяйснення правапарушэння». Тады ўсё абышлося.
Другая сустрэча з «супрацоўнікамі» адбылася, калі супраць яго была ўзбуджаная адміністрацыйная справа за рэпост аднаго артыкула. «З мэтай забеспячэння правядзення адміністрацыйнага працэсу» Андрэй быў затрыманы да суда і правёў шэсць гадзін у камеры-адстойніку, пасля чаго быў пераведзены ў ІЧУ.
У Андрэя гэта была першая адміністрацыйная справа ў жыцці. Яго родныя і блізкія спадзяваліся на штраф, але суддзя палічыў, што дзеянні падсуднага неслі «павышаную грамадскую небяспеку» і павінны быць пакараныя адміністрацыйным арыштам. У знак пратэсту супраць беззаконня Андрэй аб'явіў галадоўку ў зале суда. Яму не дазволілі нават развітацца і патрапіць на пахаванне сваяка. Нягледзячы на галадоўку, Андрэю выставілі рахунак «за харчаванне ў ІЧУ», які прыйшлося аплаціць.
Пасля вызвалення прыйшло паведамленне аб тым, што ён звольнены з працы. Прыкладна праз месяц той жа лёс напаткаў і жонку Андрэя – кіраўніка ўзорнай вакальнай студыі. Ёй далечы адміністрацыйны арышт 15 сутак. А потым звольнілі з працы, нягледзячы на тое, што падчас арышту яна знаходзілася ў адпачынку за свой кошт.
Такім чынам, цэлая сям'я фактычна засталася без адзінай крыніцы даходу.
Якая сума неабходна?
1100 € — выдаткі на харчаванне, камунальныя паслугі.