Дапамога былому палітвязню ўз'яднацца з сям'ёй за мяжой

Легендаваны збор
Збор вядзецца на атрымальніка ў Беларусі і легендаваны ў мэтах бяспекі.
  • Гісторыя

Добры дзень! Я былы палітвязень. У 2020 годзе быў у шоку ад вынікаў выбараў, выходзіў у сваім горадзе на пратэсты. За што пасля і трапіў за краты.

Мяне асудзілі за ўдзел у масавых закалотах і спачатку далі «хімію»*. Там не раз сутыкаўся з ціскам, прымушалі рабіць рэчы, якія зневажаюць гонар і годнасць. Але я адмаўляўся. Праз нейкі час назапасіліся парушэнне рэжыму, і з «хіміі» перавялі ў калонію. Там я моцна застудзіўся зімой, за тры тыдні страціў восем кілаграмаў. Лячылі адной таблеткай аспірыну на дзень. Толькі калі стала зусім дрэнна, далі антыбіётык.

Перажыць час за кратамі дапамаглі лісты ад родных і жаданне не здавацца. Мой тэрмін больш адбіўся на жонцы: за гэты час яна вельмі здала праз стрэсы. Да таго ж на ёй засталіся дзве дачкі. Старэйшая разумела, што адбываецца, пісала лісты. Малодшая вельмі крыўдзілася на мяне, доўга не хацела размаўляць — думала, я яе кінуў, з'ехаўшы на «хімію».

Пасля выхаду на волю я баяўся паўторнага затрымання, таму вырашыў з'ехаць у Польшчу. Тут ужо каля паўгода, падаў дакументы на міжнародную абарону. Сам пакрысе ўладкоўваюся, знайшоў працу. Але расстанне з сям'ёй даецца вельмі цяжка. Да таго ж жонка працуе на дзяржпрадпрыемстве, у яе хутка канчаецца кантракт. Але яго не падоўжаць – так паабяцалі яшчэ перад студзеньскімі «выбарамі», калі яна адмовілася ставіць подпіс за Лукашэнку.

Таму мы вырашылі, што надышоў час пераязджаць і ім. Але заробак тут у мяне невялікі, зберажэнняў няшмат. Да таго ж я здымаю пакой, а на чацвярых нам відавочна трэба будзе жыллё пабольш. Дзяўчынак трэба ўладкаваць у школу, жонцы – знайсці працу. Таму хачу папрасіць у вас дапамогі на першы час, каб нам было, з чаго пачынаць.

*«Хімія» – гэта від пакарання, калі асуджанага адпраўляюць у папраўчую ўстанову адкрытага тыпу. Людзі жывуць у карпусах, падобных да інтэрнатаў. Яны знаходзяцца пад пастаянным наглядам і абавязаны выконваць правілы ўнутранага распарадку, пры гэтым плацяць за пражыванне, купляюць ежу за свой кошт, самі гатуюць, пяруць і прыбіраюць. Усе асуджаныя абавязаныя працаваць, часта іх накіроўваюць на нізкакваліфікаваную і малааплатную працу.

Сума збору
€4000

€2500 – арэнда кватэры на два месяцы і заклад
€700 – прадукты і бытавыя выдаткі на сям'ю на два месяцы
€350 – выдаткі на дзяцей, падрыхтоўка да школы
€250 – урокі польскай для жонкі, каб яна магла знайсці працу
€200 – выдаткі на паліва (я працую кур'ерам)
 

Сабрана:
€ 20 з 4 000