Мяне завуць Арына*, я дачка чалавека, якога нядаўна затрымалі. Мы жывём у Брэстскай вобласці. Тут, з пачатку вайны, часта ездзіць вайсковая тэхніка – беларуская і расейская.
Мой тата не мог глядзець на гэта абыякава. Калі бачыў калоны або эшалоны, дасылаў інфармацыю ў тэлеграм-канал «Беларускі Гаюн».
Ён лічыў, што гэта яго абавязак – папярэджваць, сведчыць, хаця б не маўчаць.
Цяпер яго абвінавачваюць у «здрадзе дзяржаве» (артыкул 356 КК РБ), і яму пагражае да 15 гадоў зняволення. Нам нельга раскрываць ягонае імя, бо справа яшчэ пад следствам, і любое неасцярожнае слова можа зрабіць горш.
Я вельмі баюся за яго. Ён заўсёды быў побач, заўсёды клапаціўся пра мяне і пра маму. Цяпер я хачу падтрымаць яго так, як ён падтрымліваў нас.
Мы не маем вялікіх грошай, а найму адваката наш адзіны шанец. Таму я прашу вас: калі ласка, дапамажыце. Кожная сума важная. Кожная падтрымка дае надзею, што мы зможам змагацца і вярнуць тату дадому.
*Гэта ананімны збор. У мэтах бяспекі мы змянілі імя гераіні. Выява таксама згенеравана з дапамогай ШІ.
Сума збору
€2200
€1200 – паслугі адваката.
Адвакат ужо ўзяўся за справу, патрэбна аплата за падрыхтоўку абароны, сустрэчы і прадстаўленне ў судзе.
€1000 – перадачы ў СІЗА і неабходныя рэчы.
Ежа, лекі, сродкі гігіены, бялізна і іншыя рэчы, неабходныя для чалавека ў турме.