10 жніўня 2020 года ўвесь свет узрушылі навіны з Беларусі, ў якіх фігуравала вусцішнае слова — Акрэсціна.
Назву вуліцы, пра якую не ведалі нават беларусы да гэтай даты.
Менавіта там размешчаны ізалятар часовага ўтрымання, які на некалькі дзён ператварыўся ў месца невыноснага болю, слёз, жорсткіх збіванняў і пакут блізкіх і неабыякавых людзей.
Акрэсціна стала зборнай выявай зла, жорсткасці і несправядлівасці.
Акрэсціна — месца, дзе з'явіліся сапраўдныя героі за свабоду і сумленнасць.
Мэта серыяла – паказаць усяму свету гісторыю беларускага народа ў імкненні быць свабоднымі ад рэжыму і дыктатуры, і асвятліць падзеі, якія працягваюцца ў Беларусі дагэтуль.
Серыял будзе складацца з гісторый і ахопіць перыяд з траўня 2020 года, каб разабраць дэталі падзеяў прэзідэнцкай кампаніі.
Гісторыі будуць заснаваны на рэальных падзеях не толькі аб ахвярах рэжыму, але і аб супрацоўніках сілавых структур, МУС, судоў і іншых дзяржаўных ведамстваў.
Місія не проста зняць серыял, а зрабіць гэта з дапамогай прафесійнага абсталявання, арэнда якога патрабуе значных сродкаў.
Наша творчая каманда дзякуе кожнаму, хто неабыякавы да гэтай гісторыі і адгукнецца на дапамогу.
(Прадусар — Павел Марыніч, Рэжысёр — Андрэй Курэйчык, Кампазітар — Дзмітрый Фрыга і інш).
Якая сума неабходна?
50 000 € — Гэта частка сумы ад бюджэту першай серыі. На арэнду здымачнага абсталявання і лакацый для здымкаў.