Вярнуцца да іншых Ініцыятываў

Падтрымка гуманітарных ініцыятыў валанцёрскага цэнтру HelpKharkiv

Валанцёрская дзейнасць HelpKharkiv пачалася з першага дня вайны. Мы аб'ядналі намаганні чатырох IT-кампаній Харкава (Scalarr, Ideasoft, Sigma Software і Genpro) з мэтай эвакуацыі сем'яў супрацоўнікаў у першую чаргу. Аднак ужо першы дзень мы зразумелі, што не можам факусавацца толькі на супрацоўніках. Першыя 6000 чалавек мы эвакуавалі за ўласныя сродкі. Паралельна з гэтым развівалася ячэйка лакальнай дапамогі людзям і такім установам, як дзіцячыя дамы, цэнтры рэабілітацыі, шпіталі, радзільныя дамы, МНС і камунальнікі, псіхдыспансеры, хоспісы і пансіянаты для пажылых людзей.

На сённяшні дзень мы штодня кормім каля 10 000 жыхароў Харкава і Харкаўскай вобласці, забяспечваем прадуктамі і медыкаментамі 42 установы, штодня прымаем і размяркоўваем 18000 скрынь медыкаментаў. Наш валанцёрскі цэнтр узначальваюць Андрэй Ушакоў, кампанія Genpro (500+ чалавек), MBA Columbia (New-York) and London Business School, Андрэй Лазарэнка (Сo-Founder & CEO, Ideasoft, acquired by Sigma), Пётр Каламіец (CBDO of Ideasoft) і Іна Ушакова (Сo-Founder & CEO, Scalarr). Кожны адказвае за асобныя напрамкі ў нашай групе.
 
На пастаянным узроўні мы знаходзімся ў пошуку прадуктаў харчавання, якія немагчыма атрымаць з дапамогай гуманітарнай дапамогі звонку. Сярод такіх прадуктаў — мяса, малако, рыба і інш. Таксама, мы заўсёды шукаем магчымасць атрымаць медыкаменты, так як у горадзе вельмі шмат параненых, і грамадзянскае насельніцтва, якое засталося ў Харкаве і вобласці — уразліва.

Цяпер горад практычна на 75% блакуецца расейскімі войскамі. Гэта фактычна азначае, што дастаўка гуманітарных грузаў — цяжкая, і часта праходзіць пад абстрэламі. Тое, што можам — мы купляем у нашай жа вобласці. Акрамя гэтага, мы выдзяляем сродкі на фінансавую дапамогу сем'ям загінуўшых валанцёраў.

Нашы асноўныя мэты на найбліжэйшыя тыдні:

1. Эвакуаваць з рэгіёну дзіцячыя ўстановы: дамы, школы-інтэрнаты, цэнтры рэабілітацыі, бальніцы, спецустановы для сляпых, дзяцей інвалідаў, дзяцей аўтыстаў і г.д;
2. Эвакуаваць з рэгіёна хоспісы і псіхыспансеры;
3. Наладзіць рэгулярную штодзённую выдачу гуманітаркі ва ўсіх раёнах Харкава і цэнтрах рэгіёна, а таксама забяспечыць індывідуальныя дастаўкі людзям, якія не могуць аб сабе паклапаціцца (людзі з інваліднасцю, адзінокія людзі ва ўзросце і г.д);
4. Эвакуацыя жанчын з маленькімі дзецьмі і старых.

Якая сума неабходна?

5000 € — медыкаменты, а таксама спецабсталяванне для лекараў: хірургічныя прылады, зменныя халаты і г.д.; паліва, заробкі кіроўцам аўтобусаў, малакавозаў, фур, якія ажыццяўляюць дастаўку неабходных прадуктаў, медыкаментаў і іншых тавараў; прадукты харчавання.