Беларусы Каліфорніі для падтрымкі дваровых ініцыятыў у Беларусі.
Дапамажыце беларускай суполцы ў Каліфорніі сабраць сродкі і падтрымайце жыхароў пратэстных двароў Беларусі, якія знайшлі творчы мірны спосаб супраціву жорсткаму гвалту дыктатуры.
Нягледзячы на тое, што буйныя мірныя пратэсты паўмільёна чалавек у жніўні-верасні 2020 года былі задушаны ў Беларусі рознымі праваахоўнымі органамі, жыхары беларускіх гарадоў не здаваліся. Яны перагрупаваліся і ўтварылі лакальныя супольнасці — дваровыя ініцыятывы.
Гэта дзейнасць звычайных людзей, якія выказваюць пратэст творча і незалежна адна ад адной, яны працягваюць аказваць ціск на рэжым. Сярод іх інструментаў: маршы і зборы, флэшмобы, вывешванне сцягоў і іншай сімволікі, друк улётак, стыкераў, незалежнай прэсы, чэленджы, майстэрні па маляванні і інш.
Гэтыя мерапрыемствы дазваляюць дваровым суполкам знаходзіць і аб'ядноўваць мясцовых прыхільнікаў, дапамагаць сем'ям, якія пацярпелі ад палітычных рэпрэсій, ва ўмовах адсутнасці незалежных СМІ, інфармаваць жыхароў аб сапраўдным стане краіны.
Чаму мы гэта робім?
Беларуская суполка ў Каліфорніі ды іншыя дыяспары за мяжой сабраліся разам, каб падтрымаць наш народ у іхным пратэсце за права выбару, за годнасць, свабоду і незалежнасць.
На што пайдуць сродкі?
Мэты нашага збору – забясьпечыць фінансавую падтрымку новых масавых ініцыятываў двароў пратэсту.
Збор «Каліфорнія дварам Беларусі» (гіперсспасылка на збор) для дваровых ініцыятываў праз Беларускі фонд салідарнасці Фонду па правах чалавека (Human Rights Foundation, or HRF) прызначаны для донараў з ЗША.
Ахвяраванне праз HRF, шаноўную дабрачынную арганізацыю ў ЗША, дазваляе атрымліваць падатковыя вылікі з вашых ахвяраванняў у адпаведнасці з заканадаўствам ЗША і карыстацца donation match схемамі працадаўцаў.
Донары з іншых краін таксама могуць падтрымаць дваровыя ініцыятывы напрамую праз BYSOL.