Вакансія: Content & Community Manager у Фондзе BYSOL

BYSOL шукае супрацоўніка ў камунікацыйную групу. Content & Community Manager адказвае за штодзённую прысутнасць BYSOL у сацыяльных сетках і жывое ўзаемадзеянне з аўдыторыяй. У аснове гэтай працы — рэгулярнасць, чалавечнасць і кантакт з супольнасцю. Нам падыдзе прафесіянал, які не баіцца камунікацыі з аўдыторыяй, умее пісаць проста і па-чалавечы, працаваць паводле плана, падзяляе каштоўнасці салідарнасці і ўзаемадапамогі, місію BYSOL.

Асноўныя задачы:

• стварэнне і публікацыя кантэнту ў сацыяльных сетках BYSOL, адаптацыя кантэнту пад розныя камунікацыйныя каналы;

• вядзенне сторыс, інтэрактываў, апытанняў і іншых уцягвальных фарматаў;

• распрацоўка і падтрымка фірмовага стылю сацыяльных сетак BYSOL;

• праца з супольнасцю BYSOL у каментарыях і з асабістымі паведамленнямі (перанакіраванне карыстальнікаў на «Гарачую лінію» і профільныя службы пры патрэбе);

• базавы маніторынг рэакцыі аўдыторыі на публікацыі;

• удзел у фармаванні кантэнт-плана;

• адаптацыя інфармацыйных нагодаў пад фарматы сацыяльных сетак.

Як мы ацэньваем працу:

• узровень уцягнутасці (ER) у сацсетках;

• рост колькасці падпісчыкаў;

• актыўнасць у каментарыях і сторыс;

• хуткасць і якасць адказаў карыстальнікам;

• рэгулярнасць і стабільнасць прысутнасці фонду ў сацсетках.

Умовы працы:

• дыстанцыйная праца з магчымасцю наведвання рэгулярных офлайн-сустрэч;

• поўная занятасць;

• выпрабавальны тэрмін — 3 месяцы;

• заробак будзе ўзгоднены пасля праходжання сумоўя.

Як далучыцца да нашай каманды:

Адбор будзе праходзіць у два этапы:
першы этап — разгляд рэзюмэ і матывацыйных лістоў,
другі этап — тэставае заданне.

Калі вы зацікаўленыя ў гэтай пазіцыі і адпавядаеце патрабаванням, калі ласка, дашліце:

• рэзюмэ,

• партфоліа,

• кароткі матывацыйны ліст

на пошту [email protected] з тэмай ліста «Вакансія Content & Community Manager» да 16 лютага 2026 г.

Будзем рады даведацца з вашага ліста пра вашы дасягненні і працу, якой вы ганарыцеся. Мы адкажам кожнаму і кожнай, але толькі найбольш адпаведныя кандыдатуры атрымаюць запрашэнне на сумоўе.

Каманда BYSOL